قبل الممات وميقات الرحيل..
 

:aaa0asmilies:

يقال ان هذه القصيده قالتها وحده لزوجها قبل وفاتها بساعات، غفر الله لها ولإموات المسلمين، وصيتها بالقصيده طيبه،،



[frame="6 80"]ترى الذبايح و أهلها ما تسلينـــــــــــي .... أنا أدري إن المرض لا يمكن علاجـــه
أدري تبي راحتي لايا بعد عينــــــــــي .... حرام ما قصرت يديك في حاجـــــــه
أخذ وصاتي وأمانه لا تبكينــــــــــــــي .... لو كان لك خاطرٍ ما ودي إزعاجـــــــه
أبيك في يديك تشهدني وتسقينـــــي ...... أمانتك لا يجي جسمي بثلاجـــــــه
لف الكفن في يديك وضف رجلينـــــي .... ما غيرك أحدٍ كشف حسناه واحراجه
أبيك بالخير تذكرني وتطرينـــــــــــــي ....... يجيرني خالقي من نار وهاجـــــــه
سامح على اللي جرى ما بينك وبيني ....... أيام نمشي عدل وأيام منعاجــــــه
همي عيالي وأنا اللي فيْ كافينــــي .....علمهم الدين تفسيره ومنهاجـــــــــه[/frame]

اعجبتني كثير هالقصيده بس ما ادري من صاحبها

همها هم كبير وحزنها عمقه وسيع

تلملم وجع اخر ايامها ومعاناتها ويا الجراح

خوفها من بعد ضياع جسور بنتها مع اولادها

اتمنى تعجبكم

رد : قبل الممات وميقات الرحيل..
 

وايد حلو والاحلى انها وصت باغلى شيء عندها هم اولادها وريلها
وتسامحت من ريلها بعد
والله يغفر موتانا المسلمين ويغمد روحهم الجنه

رد : قبل الممات وميقات الرحيل..
 

ما أصعبها من لحظة وداع
كيف تتخيل يوما بأنك تودع من تحب رغم عنك
كيف تتخيل يوما بانك تودع من تحب وتعرف أن لا أمل لك في الرجوع

فصدقـــــــاً
هنيئا لها أطيب الجزاء من رب العالمين


أشكرك أخي الفارس الأخير على نقلك لهذي القصيده الرائعه
لك من خالص الشكر والتقدير,,,,

رد : قبل الممات وميقات الرحيل..
 

فعلا يازهرة الشوق الاولاد غالين كثير وفراقهم صعب

شكرا نور القمر ونورتي بوجودك

رد : قبل الممات وميقات الرحيل..
 

تسلم عالكلام الجميل

نقل رائع لهذه القصيده

رد : قبل الممات وميقات الرحيل..
 

ياحزنها على ميعادها

بتفارق الاحباب وتتامل فيهم الخير

والله جد حزينه

تسلم عالنقل الفارس الاخير

رد : قبل الممات وميقات الرحيل..
 

رد : قبل الممات وميقات الرحيل..
 

كلام روووعة والله
تسلم يمنااك ع النقل المميز الفارس
أبدعت في إختيارك للطرح
الله يحفظك

رد : قبل الممات وميقات الرحيل..
 

يسلم غاليك اميرة الورد..