يا زمن العجايب يا زمن : شعر ساخر

عمانيات (https://www.omaniyat.net/vb/index.php)

- شعر و أدب (https://www.omaniyat.net/vb/forumdisplay.php?f=4)

- - يا زمن العجايب يا زمن : شعر ساخر (https://www.omaniyat.net/vb/showthread.php?t=17230)

يا زمن العجايب يا زمن : شعر ساخر

دي اول مشاركاتي
وانا بحب عمان وشعبها اوى
مع انى متعملتش مع حد قبل كده
بس بحسها بلد طيبه وناسها مسالمين وطيبين

انا مصري واسمي سليم

يا زمن العجايب يا زمن :من كلماتي

آه يا زمن

كل شيء فيه بتمن

كبد كلي طحال والإنسان

هو ارخص تمن

آه يا زمن

يا زمن الكدب والنفاق

يا زمن الجهل والولاء

لصاحب السلطة والشرف

الشرف فيه اتدفت

آه يا زمن

يا زمن الشباب

أتقفل في وشه كل الأبواب

وبقي اكبر أحلامهم

أمتي يسيبوا الوطن

آه آه يا زمن

يا زمن العفة بقت بح

والغلط بقي هو الصح

والدين بيتحارب علن

آه يا زمن

يا زمن الكروش والفلوس

لقتل العزة وشري النفوس

والبكرياء فيه أتعدم

آه يازمن

يازمن الديمقراطية لأقتل الوطنية

والإعلام بقي للهمجية

واللسان فيه أتكتم

آه يا زمن

يازمن العُهر والدُعر والقلم

هو كمان بقاله تمن

لفق واشتم وهد واظلم

وملعون أبو الوطن

آه منك وآه عليك يا زمن

يا زمن البراح ما بقاله حد

والفجر عدي كل حد

والكفر بقي عادى علي العلن

آه يا زمن

أسهل شيء دلوقتي فيك

سب الدين ولعن الوطن

والغلط فين ما تقول يا زمن ؟

الغلط فين يا بتوع الحرية ؟

الغلط فيه يا ديمقراطية ؟

الغلط فين أنتا وهي ؟

مهو لازم يبان الغلط

يمكن يرجع الزمن تاني للفكر والقلم

والإنسان يبقي له كرامه

ويرتفع عن اى تمن

يا زمن العجايب يا زمن

ملحوظه : الزمن من وجهت نظر الكاتب لا يقصد بقي سوي الوقت الذي نعيشه .

حلوه الحياه