|
الصغيرة ...
كتبت هذه الكلمات
بعد موقف صار لي ... توك صغيره وابتديتي تحبين من علمك ليل السهر ياصغيرة ؟ بدري عليك العشق يابنت هاللحين حرااام هذا القلب وش هو مصيره ؟ انت بريئة في الهوى ليه تشقين ؟ دروبه طوال عليك وعسيره رحتي بدرب ماله اصلا عناوين وانت مشاويرك من أول قصيره ياطفله حبت وراحت على وين ؟ عقب الهنا ذقتي الحياه المريره وينك ووين الحب والشوق والبين ؟ عذبتني عيونك وصرتي سهيره امحق تسلي كان ودك تسلين الورد لولا اللون وش هو عبيره ؟ خليتي دروسك وصرتي تاحتين الدرس في ديرة و صرتي بديرة وصرتي بعد من غير هذا تغارين والمشكله يابنت ماانتي خبيره نصيحتي لك كان ودك تردين يم السعاده والحياه المثيره خلك بجو العائله لاتعدين ماما و بابا والعجوز الضريره شيبانك اللي مايبونك تعانين من بينهم عشتي كأنك أميره الحب قبلك هز ناس كثيره خلا القلوب تعيش هم وحيره الحب يفضح لانكشف داخل العين وانت نفسك ماهقيتك بصيره طيعي كلامي وأحذري لاتمادين تراجعي لعل في الامر خييييييرة عيشي الطفوله والبراءه لك سنين وبعدها حبي لاغديتي كبيره صدقيني الحب يخلف وراه قلوب كسيره ... |
كلمات رائعه حبيت اكلمك بلسان البنت الصغيره الي جرحوها ... بنثر عامي ... عفت المواني النايمة على البحر بشويش وعفت الليالي الي مضت والسنيني عقب الحلم والسهر والليل والعيش ابقى حزينه دنيتي والليالي ماعلمتني الحزن الا مواويلي ومشاهدة أحلام اظنها تصدق وبزحمة سنين انتظاري وتصاويري جاءت الاحزان ترسم كذب احلامي توي صغيره وتوه ابتدى المشوار ماكنت ادري إن الحلم يجرح إحساسي حلمت أحلام طفلة يتيمه عاشقه همي وصرت احلم واحلم وارسم احلامي وماكنت اعرف دروب الهوى اكبر اخطائي ماشفع صغر سني لذياب البشر لحظة ومضى عمري مابين كلمة ونظره ويا شينها ذيك الليالي يوم رحلت عني عقب ما شفت الالم اصارع الموت وحدي طال انتظاري وطالت دروبي ومشوايري ارجي الصبر والصبر ضيع مطاراتي ورحلت من دنياعفت ميلاد الامل فيها ماحدن درى بحرقتي الا قلب يتقطع ايه توي صغيره طفلة ماقد عرفت العشق ايه خدعوني بكلمة احبك .. وبوعود مزيفه بالوان ربي كتب بكل لحظة أعيش ثانية حرمان |
shadow
صغيـــــــــــــره........ صح لسانك وتسلم ايدك كلمات رائعه فمان الله |
تسلم شادو ع الكلمات الرقيقة والمعبرة ....................
|
سماء بلادي
ردك كان الاروع .. ولكي الشكر على مرورك . الاكثر من رائع . |
الخليفي
يسلمك ويحفظك ربي ولك لشكر على المرور . |
يسلمك ويحفظك ربي
سراب الامل لكي الشكر على المرور . |
ماشاء الله عليك يا شادو دائما نرى الابداع في كتاباتك ما شاء الله عليك تكفى لا تحرمنا من ابداعاتك وكلماتك الرائعة التي يخطها انسان رائع مثلك وبارك الله فيك ....
|
روح الليل روعة وجمال الكلمات لم تظهر الا مع مرورك
لكي جزيل الشكر على مرورك الجميل . |
| الساعة الآن: 12:54 AM |
vBulletin ©2000 - 2024