|
معكرونه البيتزا ( من مطبخي بالصور )
السلام عليكم ورحمه الله وبركاته ,,
مرحبا الساع ومرحبا ملاييين ولايسدن ,, اول شي بقولكم سالفة الطبق اللي سويته ,, كنت معزومه عند ربيعتي فكرت وقلت ليش ماسوي لها هالطبق احسن من اني ادخل وايدي فاظية ,, المهم بكتب لكم المقادير خطوة خطوه وبالصور ,, بسم الله ابتدي ,, المطلوب خضروات مشكله مثل اللي في الصورة زيتون اسود واخضر منزوع النوى + طماط مقطع صغار + فليفلات انا استخدمت حمره وخضره .. او اذا حابين اي زياده انتو ع راحتكم ,,  ونروح للحشوة انا اخترت حشوة الدياي وابمكانكم استخدام التونه او اللحم المفروم عاد كل وحده وخلطتها السريه ,, انا حشوتي عباره عن بصل + طماط + كركم وبهارات هنديه وحطيت كاري فلفل احمر وفلفل اسود قليل ولاتنسون الملح وفي النهايه حطيت شو ي جبن سائل عشان الطعم  وطبعا المعكرونه تسلقونها عادي وبعدين تصفونها من الماي تخلطون 1 قشطة مع 3 ملاعق جبن سائل كرافت وتضيفونهم للمعكرونه لين ماتتشرب المعكرونه فيهم .. هذي صوره للمعكرونه بعد ماخلطنا  بعد ماجهزنا كل اللي ذكرته ,, انييب بايركس للفرن ونحط فيه اول شي طبقه من المعكرونه  بعدين نحط حشوة الدياي  وفوق الحشوه نحط طبقه من المعكرونه  نخلط الخضروات مع بعض  نضيف الخضروات على المعكرونه بهذا الشكل  آخر خطوة نحط جبن موزاريلا فوق الخضروات  وندخلها الفرن ونتريا عليها لين ماتذوب الجبنه ,, وهذا هو شكلها النهائي ,, وعليكم بالعافيه  يالله جربوها وقولولي رايكم ,, |
: معكرونه البيتزا ( من مطبخي بالصور )
يعطيك العافيه إماراتيه
شكلها لذيذ أكيد بنجربها وأجمل شيء أنها حصريه جزاك الله خير وفي ميزان حسناتك بإذن الله |
: معكرونه البيتزا ( من مطبخي بالصور )
اخي اذكر : مشكوور عالمروور جربوها وادعولي تراها جد لذيذه,,
|
: معكرونه البيتزا ( من مطبخي بالصور )
شكلهاا حلووو
بجربها ان شاء الله وبخبرك بالنتيجة تسلمي يالغالية ع الوصفة الحلوة ولا تحرمينا من ابداعاتك |
: معكرونه البيتزا ( من مطبخي بالصور )
شكرا عالمرووور منورين موضوعي ..
|
: معكرونه البيتزا ( من مطبخي بالصور )
يعطيك العافيه جميله
|
: معكرونه البيتزا ( من مطبخي بالصور )
تسلم الايادي
|
: معكرونه البيتزا ( من مطبخي بالصور )
بصراحه شكلها لذيذ
|
: معكرونه البيتزا ( من مطبخي بالصور )
يمممممممممممممم
تهبل |
: معكرونه البيتزا ( من مطبخي بالصور )
تسلم الايادي
|
| الساعة الآن: 10:25 PM |
vBulletin ©2000 - 2024