مشاهدة النسخة الكاملة : & &عصير الخليفي&&
زهرة الخزامى
08/03/2006, 08:47 AM
وعد الحر دين عليه.....
أخوي الخليفي هذا عصير خاص بإسمك جربه و جد بتدعيلي
المقادير
1.حبة كيوي
2.كأس عصيرأناناس علب
3.أفكادو طازج
الطريقه:حط ملعقه صغيره فيمتو في الكأس
أخلط الافوكادو مع ربع كأس حليب وصب نصفه في الكأس
إغسل الخلاط ووووحط الكيوي مع الاناناس في الخلاط
وحط طبقه ثانيه في الكأس وآآآآآآآآخر طبقه حط الباقي
من الافكادو.يميييييييييييييييييي
زين الكأس بقطعة أناناس وأرسم قلب بالعسل فوق آخر
طبقه.
ووووبالهنا والشفا.
الخليفي
08/03/2006, 04:25 PM
زهرة الخزامى الغاليه
شكرا عالعصير
شكله من المقادير جميل فما بالك لو اسويه
ان شاء الله اليوم او غدا بعد صلاة العصر اسويه
بالمعنى الاصح اخلي الوالده تسويه لاني ما ادل المطبخ:)
يكفي يالغاليه ان العصير من مقاديرك
بارك الله فيك
فمان الله
الخليفي
09/03/2006, 05:15 PM
زهرة الخزامى
يسلموووووووووووووووووووو
عجيييييييييييييييييييييييييييييييييب
اتمنى باقي الاعضاء يجربوووه
بس للأمانه انا ما حطيت حليب
لاني ما احب الحليب ولكن طلع
شي رائع حتى لونه جميل
شكرا لله ثم لك ثم الوالده
بارك الله فيك
فمان الله
ابن الحسين
11/03/2006, 10:39 PM
ياسلالالام يا الخليفي عصيييييييييير باسمك والله شي عجييييييييييب
انا راح اجرب العصير واكيد راح يكون عجيب تدري ليش لان اختنا زهرة الخزامى الغاليه
وضعت مقادير لعصير كركديه وطلع فعلا لذيييييييييييييييذ وانا صرت اتابع عصاير اختنا زهره
اشرايك يا الخليفي انا معاك نفتح لنا محل عصاير ونسميه بعصاير زهره الخزامى ؟؟؟؟؟؟
وراح نسمي العصاير اللي عندنا على اسماء اهل المنتدى لزيادة البركه واول عصير راح يكون باسمي ..
تخيل عصير ابن الحسين والخليفي خخخخخخخخخخخخخخخخ ،،، trademark
الخليفي
12/03/2006, 04:09 PM
ابن الحسين
الصراحه الفكره اعجبتني
وانا مستعد لها من اليوم لو تبي اندور على محل
بس على شرط يكون المحل بالسالميه او الخيران
تدري الرزق يحب الخفيه واهناك لو العصير
تبيعه بعشر دنانير يشترونه بس لانه في هالمنطقتين
سيروا ونحن من ورائكم يا ابن الحسين
روح الليل
12/03/2006, 11:47 PM
اووووووووووووووووووووف عصير الخليفي مبروك الخليفي عصير باسمك لاااااااا مو معقول ابي زهرة الخزامى تسويلنا اياه عشان ا>ا عجبنا بنسويه هههههههههههه بس شكله رهيب ماراح انتظرج تسويه زهرة الخزامى بسويه وحدي واليوم بعد هههههه..
ابن الحسين والخليفي دخلوني شريك معكم تراني فضولية وحشورة واحب اكون بوسط كل شي ههههه بس ...
الخليفي
12/03/2006, 11:59 PM
روح الليل
اتفقنا انا وابن الحسين ان شاءالله على شهر يونيو
نبدأ المشروع واذا تبين تكونين شريكه حياج الله
وانا اتكلم جد وان شاءالله العصير الثالث يكون
بأسم روح الليل والمحل راح يكون اسمه مثل
ما اقترح شريكي زهره الخزامى اسم جميل
وجديد عندنا بالكويت
كل التوفيق للكل باذن الله
فمان الله
روح الليل
13/03/2006, 12:24 AM
صدج والله مرووووووووووووووووووووووووووووك الف الف مبرووووك الله يوفقكم يارب وتفتحون محلات مو محل بس ............
روح الليل
13/03/2006, 12:26 AM
ياريت اقدر ادخل شريكة وياكم بس كيف ياحسرة انتو بالكويت وانا بعمااان ا>ا فكرتو تفتحو فرع بعمان تراني حاضرة ومستعدة اوكي اتفقنا ........
زهرة الخزامى
13/03/2006, 02:05 AM
بالعافيه ياأخوي يا الخليفي وتسلم ايد الوالده الله يطول في عمرها
ابن الحسين لك وحشه ياخوي.....
أخجلتوني بكلامكم الحلو
روح الليل حبيبتي/ انا وياج بنفتح فرع في مسقط وبنسميه
الكويت الحبيبه
وطني الكويت سلمتي للمجد...ذكرتوني بالسالميه وخيران والفيحاء
وبيان والشاميه وكيفان.
بوعبدالله
13/03/2006, 02:29 AM
اختي زهره الخزامي المحترمه انا ماني عارف كيف اشكرك ترى انت مع روح الليل اخوات عزيزات كريمات واتشرفونا وانتوا على الراس والعين ولكم كل تحية كبيره وتقدير كبير وبارك الله فيكم يا اخواتي المحترمات ............. احتراماتي
زهرة الخزامى
13/03/2006, 03:09 AM
تسلم أخوي /بو عبدالله
الله يعافيك ويسلمك..عزيز وغالي.
ابن الحسين
13/03/2006, 12:23 PM
اختنا الفاضله زهرة الخزامى المحترمه انا اشكرك على ابتكاراتك الرائعه للعصائر وانواعها وبالفعل انت خبيرة عصائر وانا اشك بانك انت مديرة مصنع للعصائر وانا افعل بكل وصفة عصير واتلذذ وادعي لك بالخير والتوفيق يا اختنا العزيزه كل ما عليك بان تبتكري وصفات عصير نحن نطبق بصمت
شديد وذهول من وصفات رائعه ،،،،،،، احتراماتي لك يا مبدعة